Afrikako glaziarrak: iragarritako galera?

Rwenzori mendietako Speke glaziarra.

R. Taylor

Londresko Unibertsitateko geofisikarien esanean, Afrikako glaziarrak urtzen ari dira, gero eta azkarrago, gainera. Zehazki, Rwenzori mendiei jarri diete arreta. Mendi horiek Ugandaren eta Kongoko Errepublika Demokratikoaren artean daude, eta hango glaziarrek 300.000 urte dute gutxienez.

Londresko taldeak urteak daramatza glaziar haiek aztertzen, eta, galera XIX. mendearen bukaeran hasi bazen ere, azken urteetan berotze globalaren ondorioz azkartu egin delakoan daude.