Amperea definitzeko, elektroi bat

Litekeena da denbora gutxi barru doitasun handiko metodo bat izatea korrontearen oinarrizko unitate estandarra, amperea, definitzeko. Izan ere, Finlandiako eta AEBko fisikari batzuek tresna elektroniko bat garatu dute horretarako. Elektroi bakarreko transistore bat da, tentsio oszilatzailea korronte elektriko zehatz bihurtzen duena. Transistoreak hodi txiki-txiki batzuk ditu; hain txikiak direnez, elektroien arteko aldaratze-indarrak berak eragotzi egiten du aldi berean elektroi bat baino gehiago egotea sisteman.