Antibiotiko gutxiago erabiltzeko odol-analisia
2004/04/01 Elhuyar Zientzia Iturria: Elhuyar aldizkaria
Metodo berri baten bidez, gaixotasuna bakterio batek ala birus batek eragina den jakin daiteke.
Horrela, errazago erabakiko du sendagileak antibiotikoa agintzea beharrezkoa den ala ez, antibiotikoek bakterioei bakarrik egiten dietelako aurre.
Odol-analisi baten bidez prokaltzitonina neurtzean datza metodo hori. Infekzioa bakterio batek eragiten duenean, prokaltzitoninaren kontzentrazioa asko handitzen da; birus batek eragina denean, aldiz, ez da hainbeste handitzen.
Metodoa ez da zehaztasun handikoa, baina, hala ere, antibiotikoak beharrezkoak direnean bakarrik kontsumitzen lagun dezake.
eu es fr en ca gl
Gai honi buruzko eduki gehiago
Elhuyarrek garatutako teknologia
