Arrezifeen usaina, jaiolekuaren adierazle

Koral-arrezifeetako arrainen larbak itsasoaren mende daude. Ur-lasterrek eraman egiten dituzte, batzuetan jaiolekutik urrutira. Hala ere, denborarekin, arrainak itzuli egiten dira jatorrizko arrezifera. Estatu Batuetako biologo batzuek aurkitu dute jaiolekuak duen usainari jarraituta egiten dutela itzulerako bidea arrainek. Arrezife bakoitzak berezko usaina du, eta arrainak gai dira usain horri antzemateko.