Basoek airea ‘garbitzen’ dute?

Ingurugiroaz arduratzen diren hainbat politikarik gizakiek atmosferara isuritako karbono dioxidoa basoek xurgatzen duten itxaropena zuten. Horrela, aireko karbono dioxidoa gutxitzeko, basoak landatzea proposatzen zuten. Irtenbide hori, ordea, ez da uste bezain eraginkorra.

Estatu Batuetako bi ikertzaile-taldek, pinudi batetan egindako azterketen ondoren, politikari horien usteak baikorregiak zirela agerian utzi dute. Ikerketak Nature aldizkarian argitaratu dira eta kontuan hartu beharko dira karbono dioxidoaren isuriek eragindako kalteak kalkulatzean.

Ikerketa gehiago egin behar diren arren, berotegi-efektuaren eta klima-aldaketaren arazoen irtenbidea basoetan ikusten zuena oker zegoela argi gelditu da. Baso gehiago edukitzeak ez du gehiago kutsatzeko baimena ematen.