Garbitasunean dago gakoa

Zirkuitu eta sentsore elektroniko berriak egiteko bidea ireki dezake SOI teknologiak. Teknologia horretan, silizio-geruza bat (eroalea) isolatzaile baten gainean doa. Geruza hori ahalik eta finena izatea bilatzen dute, baina silizioaren jokamoldea aldatu egiten da lodiera txikitu ahala (erresistibitatea asko handitzen da). Bada, jatorrizko joerari eusteko bi gainazalak garbi-garbi izatea komeni dela ikusi dute Wisconsin-Madison Unibertsitateko eta Soitec-eko ikertzaileek.