Aqua satelitea: Lurreko ura zerutik

NASA

NASAk beste satelite bat jarri du orbitan, Lurretik 705 km-ra.

Aqua du izena, eta bere eginkizuna izenarekin lotuta dago, noski. Hain zuzen, prezipitazioetan, lurruntzean, ozeanoen zirkulazioan eta hodeietan izandako aldaketen berri jasoko du, besteak beste. Horrek guztiak, 1999an martxan jarritako Terra sateliteak bildutako datuekin batera, Lurreko uraren zikloa ulertzen lagunduko du.

NASAren esanean, horrela hobeto ikusiko da klima-aldaketak ekosisteman duen eragina, eta, horren arabera, egoerak okerrera egin ez dezan neurri egokiak hartu ahal izango dira.