Ilunpean azala begi

Xenopus laevis igel afrikarrak gauez ehizatzen du, eta azala erabiltzen du ur gaineko intsektuak 'ikusteko'. Gaztetan iluntzean ehizatzen du, eta trebatu egiten da: azalean jasotzen duen sentsazioa (intsektuak ura ukitzean sortzen dituen uhinak) begiekin ikusten duenarekin lotzen du. Eta heldua denean ez dauka begien beharrik; azalean jasotzen duen sentsazioa begiek jasoko luketenaren parekoa da igelaren garunean, eta, horri esker, intsektu jangarriak gainerakoetatik bereizteko gai da.