Izurde hegazuria (Lipotes vexillifer)
2001/01/01 Intxausti Arriolabengoa, Lander Iturria: Elhuyar aldizkaria
Izurde hau bortizki murriztu da, 200 banako baino ez izateraino. Bere habitata ibaietako ur lasterrak dira eta desagertze handi horren arrazoiak, besteak beste, ondorengoak izan dira: presen eraginez gertatutako arrain-populazioen murriztea, uraren poluzioak ugalketa-fisiologian duen eragin negatiboa eta itsasontziekin dituzten istripuak. Izurde hau babesteko, zientzialari txinatarrek zenbait lakutan hazkuntza-programa esperimentalak martxan jarri dituzte eta berezko habitata ez badute ere, lakuotan (giza jardueraren eragin kaltegarrienetatik urrun) kolonia egonkorrak iraunaraztea lortu da.
eu es fr en ca gl
Gai honi buruzko eduki gehiago
Elhuyarrek garatutako teknologia
