Nafarroako Unibertsitateko biologo bat saritu dute AEBn

Silvestre Vicent Nafarroako Unibertsitateko CIMAko biologoak 2006ko ikertzaile gazteen saria jaso du. Sari hori hezur-ikerketen Ameriketako erakundeak (ASBMR) ematen du.

Biriketako minbizia hezurretara barreiatzen laguntzen duen faktore baten identifikazioan oinarritu du bere lana. Arazo hori sendaezina da gaur egun; eta mina, muina zapaltzea eta hausturak sortzen ditu, gaixoa hiltzeraino. Ez dago arazo horri aurrez antzemateko edo moteltzeko terapia eraginkorrik.