Paedocypris, arrain ñimiñoa

(Argazkia: Raffles Museum)

Urtarrilaren bukaeran biologoek iragarri zuten munduko arrain txikiena aurkitu zutela Sumatran, Indonesian. Paedocypris generoan sailkatu zuten. Haien arabera, heldua denean 7,9 mm luze izatera iristen da gehienez. Arraina aurkitu eta berehala konturatu ziren espeziea desagertzeko arriskuan dagoela, aintzira jakin batzuetan bizi baita, eta ekosistema hori bera desagertzeko bidean baitago. Handik egun batzuetara, ordea, zalantzan jarri zuten marka hura: Paedocypris baino arrain txikiagoak egon litezke. Hala ere, ez da erraza hori baieztatzen.