Sakarina aurkitu zutenekoa
2019/09/24 Galarraga Aiestaran, Ana - Elhuyar Zientzia
1879an, Ira Remsen Johns Hopkins Unibertsitateko laborategian alkitranaren edo mundrunaren eratorriekin ari zen lanean.
Bazkaltzera joan zen, eta denari zapore gozoa hartzen zion. Haren emazteak, ordea, ez zuen ezer berezirik nabaritzen.
Zapore gozoaren jatorria eskuetan zuen hauts zuri bat zela konturatu zen. Hurrengo egunean, laborategira itzuli zenean, proba egin zuen, eta hauts zuri hori mundrunaren eratorrietako baten erreakzio batetik zetorrela egiaztatu zuen. Haren lankide Constantin Fahlberg-i kontatu zion, eta bien artean artikulu bat argitaratu zuten 1880an.
Istorioa bi lankideen arteko liskarrarekin bukatzen da. Izan ere, Fahlberg-ek bere aldetik patentatu zuen sakarinaren sintesia, eta Remsen harekin haserretu zen, bera izan zelako sakarina aurkitzen lehena. Edonola ere, historia-liburutan Falbergh azaltzen da sakarinaren aurkitzaile gisa.
Gai honi buruzko eduki gehiago
Elhuyarrek garatutako teknologia
