Surf-oholak egiteko ordezko material birziklagarria

TXFOAM proiektuan, gaur egun surf-oholak egiteko erabiltzen den foam-aren ordezko materiala aurkitu dute. Foamak baino toxikotasun txikiagoa du, eta birziklagarria da.

Bi ikertzaile gazte ari dira proiektuan lanean: batetik, Borja Ponte, Kimika Zientzietan lizentziatua, eta, bestetik, Julen Rementeria, Administrazio eta Enpresa Zuzendaritzan lizentziatua. Proiektuaren helburua da surf-oholen toxikotasuna gutxitzea, betiere horien ezaugarri teknikoak mantenduz edo, ahal dela, hobetuz. Materialaren optimizazioa eta prototipogintza dira proiektuaren hurrengo urratsak.