Suteen detektagailu fina

Vladimir Peskov-ek eta Antonino Zichichi-k, CERNeko kidea bata eta Erromako Enrico Fermi Zentrokoa bestea, suteak zuzenean detektatzeko gailu bat diseinatu dute, eta, esan dutenez, egun salgai dagoen detektagailurik sentikorrena baino mila aldiz sentikorragoa da. Gailuak suteek igortzen dituzten izpi ultramoreak detektatzen ditu. Eguzkiak igortzen dituenekin ez nahastearren, hau da, izpiak suteak igorritakoak direla bermatzearren, 185 nm-ko uhin-luzerako izpi ultramoreak detektatzeko gai egin dute gailua, Eguzkiak izpi horiek igorri bai, baina lurrazalera iritsi aurretik ozono-geruzak xurgatzen baititu.