Neandertalen historiari bisita

"Neandertalak, Pirinioetako beste gizateriaren historia" izeneko erakusketa ikusgai dago Bizkaiko Arkeologia Museoan. Joseba Rios Garaizar arkeologoa izan da erakusketaren komisarioa eta gizateri haren mundu sinbolikoari eta teknologiari errepasoa eman die begirada gaurkotuarekin. Izan ere, duela 40 000 urte desagertu ziren arren, gugandik gero eta gertuago daudela frogatzen ari dira ikertzaileak.