Osasuna zaintzeko, mugi!

Erromatarrek hau zioten: mens sana in corpore sano. Osasunaren eta jarduera fisikoaren artean loturaren bat dela aspaldiko susmoa da, baina ebidentzia zientifikoak bilatzeko lehen ikerketak XX. mendearen erdialdean hasi ziren. Ana Rodriguez Larrad fisioterapeuta eta EHUko ikertzailea horretan dabil. Adinekoen bizi-kalitatea hobetzeko, haiek aktibo bihurtzen dituen Ageing ON ikerketa taldeko partaidea da. Baina adin mugarik ez da osasuna ariketa fisikoaren bitartez zaindu eta hobetzeko.